“ 功夫” 兩個字好簡單,小學生都會寫,但懂嘅人又有幾多呢?
我學功夫一不是為強身健體,更不是好勝爭強,全因自小被電影薰陶對銀幕上招式嘅嚮往。自小已經愛在課室內“比 武”的我, 父母一直不允許之下,從冇機會學習武術,直至十年前在朋友介紹下第一次接觸詠春。 選擇那一門功夫,喜好固然係首選,適合個人體質性格亦係考慮嘅不可或缺因素,大開大合、硬橋硬馬就一定吾會係我嘅選擇。
學咗幾年之後發覺再無寸進,開始有啲心灰意冷,慢慢想淡出學武嘅旅途。但當命運關咗你一隻窗嘅時候原來係會為你打開另一扇門； 當時有個師兄介紹我話有個好勁嘅詠春師傅問我有冇興趣見識吓,本著一試無妨嘅心態,心諗就睇吓佢有幾勁。上館當日只得我同師傅,佢話隨便試吓手丫,原來真係只得試吓,當我出完第一拳之後再冇番手嘅機會,推土機般嘅進攻配合恰似千斤頂嘅下壓力度,想作出反擊已再無懸念!從此又再打開我學習武術嘅新一頁旅程,旅程要走得更遠,當然需要有人同行,現在嘅師兄師姐就係同行嘅最好夥伴,每次有問題必定知無不言、言無不盡。學得越多只覺識得越小,每一門功夫都有獨特之處,每一個人亦有獨當一面嘅地方,所以我嘅目標“不求超越他人只求超越自己”!
Ken
2021 冬